महाराष्ट्र-तेलंगणा राज्य सिमेवर नाकाबंदी करुन गौवंशीय जनावरांची अवैध वाहतुक करणाऱ्या पिकअप वाहन पकडुन ०७ गौवंशीय जनावरांची सुटका
२ आरोपीसह एकुण, ९,२५,०००/- रु चा मुद्देमाल
पोलीस स्टेशन विरुर ची कामगिरी
दिनांक २६ नोव्हेंबर, २०२५ रोजी विरुर पोलीस ह‌द्दीत पेट्रोलींग करीत असतांना गोपनिय माहितीवरुन महाराष्ट्र – तेलंगणा राज्य सिमेवरील मौजा अंतरगाव वन तपासणी नाका येथे नाकाबंदी करुन एक महिंद्रा बोलेरो पिकअप वाहन क. MH34-BZ-7691 थांबवून त्यातील एकुण ०७ गौवंशीय जनावरांची सुटका केली. सदरच्या ०७गौवंशीय जनावरे वाहतुक करणारे आरोपी नामे शेख शाहरुख शेख मेहबुब वय ३१ वर्ष (२) सोहेल अहमद शेख हुसेन वय २९ वर्ष दोन्ही रा. मौलाना आझाद वार्ड बल्लारपुर यांना ताब्यात घेवुन नमुद कारवाई दरम्यान गोवंशीय जनावरे ०७ नग किं.अं. १,७५,०००/- रु. आणि गुन्हयात वापरलेला वाहन किं. अं.७,५०,०००/- रु. असा एकुण ९,२५,०००/- रुपयाचा माल जप्त करण्यात आला असुन आरोपीविरुध्द पोलीस स्टेशन विरुर येथे अपराध क्रमांक १८५/२०२५ कलम ५ (ब), ९,११ महाराष्ट्र प्राणी संरक्षण अधिनियम १९७६ सहकलम ११ (१) (सी) प्राण्यांना निर्दयतेने वागविण्यास प्रतिबंध अधिनियम १९६० अन्वये गुन्हा नोंदविण्यात आला असुन पुढील तपास विरुर पोलीस करीत आहे.
-सदरची कारवाई श्री मुम्मका सुदर्शन पोलीस अधीक्षक, श्री ईश्वर कातकडे-अपर पोलीस अधीक्षक, श्री सुधीर नंदनवार उपविभागीय पोलीस अधिकारी राजुरा यांचे मार्गदर्शनात सहायक पोलीस निरीक्षक श्री संतोष वाकडे, पोहवा /अफसर पठाण, पोअं./विभीषण खटके, पोअं. / भुषण इटनकर, पोअं. / राहुल वैद्य, पोअं./अविनाश बोरुले सर्व पोलीस स्टेशन विरुर यांनी केली आहे.
