निवडणुक निर्णय अधिकारी घुग्घुस नगरपरिषद तथा तहसिलदार चंद्रपूर यांचे कार्यालय आदेश 

निवडणुक निर्णय अधिकारी घुग्घुस नगरपरिषद तथा तहसिलदार चंद्रपूर यांचे कार्यालय आदेश 

घुग्घुस :  मा. राज्य निवडणूक आयोग महाराष्ट्र यांचे पत्र क्रमांक- रानिआ/नप-२०२५/प्र.क्र.१४/का.६ दिनांक २६/११/२०२५ अन्वये नगरपरिषद / नगरपंचायतीच्या सार्वत्रिक निवडणूक २०२५ च्या अनुषंगाने निवडणूक निर्णय अधिकारी यांच्या निर्णया विरोधातील याचिकाबाबत कार्यवाही करण्याबाबत पुढील निर्देश प्राप्त आहेत. ज्या नगरपरिषद / नगरपंचायती मधिल ज्या जागांसाठी जिल्हा न्यायालयात अपील दाखल असुन सुनावणी प्रलंबित आहे किंवा सुनावणी झालेली आहे परंतू आदेश अप्राप्त आहेत. फक्त अशा जागांसाठी दिनांक २६/११/२०२५ रोजी चिन्ह वाटप करता आले नाही फक्त अशा जागांची निवडणूक पुढील आदेशापर्यंत स्थगित करण्यात येत असल्याचे कळविले आहे.

घुग्घुस नगरपरिषदेची चिन्ह वाटपाची प्रक्रीया दिनांक २६/११/२०२५ रोजी दुपारी ३:०० वाजता सुरु करुन पुर्ण करण्यात आलेली आहे. घुग्घुस नगरपरिषद येथिल १) पल्लवी प्रविण सोदारी (प्रभाग क्र.५-ब) यांचे मा. जिल्हा न्यायालय चंद्रपूर येथे अपील क्र.१/२०२५ २) गणेश गुलाब पिंपळकर (प्रभाग क्र.७-अ) यांचे मा. जिल्हा न्यायालय चंद्रपूर येथे अपील क्र. २/२०२५ ३) निळा लक्ष्मण चिवंडे (प्रभाग क्र.९-अ) यांचे मा. जिल्हा न्यायालय चंद्रपूर येथे अपील क्र. ३/२०२५ चे निकाल चिन्ह वाटपाची प्रक्रीया पुर्ण होईपर्यंत अप्राप्त असल्याने घुग्घुस नगरपरिषदेच्या प्रभाग क्र. ५-ब मधिल सदस्य पदासाठी, प्रभाग क्र. ७-अ मधिल सदस्य पदासाठी व प्रभाग क्र. ९-अ मधिल सदस्य पदासाठीची निवडणूक मा. राज्य निवडणूक आयोगाच्या दिनांक २६/११/२०२५ च्या आदेशान्वये पुढील आदेशापर्यंत स्थगित करण्यात येत आहे.