घुग्घुस नगर परिषदेविरोधात भाजपा नगरसेवकांचे ‘एप्रिल फुल’ आंदोलन
नगर परिषद शहर वासियांना बनवीत आहे एप्रिल फुल: विवेक बोढे
घुग्घुस: येथील नगर परिषदेविरोधात बुधवार, २९ एप्रिल रोजी दुपारी १:३० वाजता नगर परिषद कार्यालयात भाजपा नगरसेवकांनी ‘एप्रिल फुल’ आंदोलन केले.
यावेळी घुग्घुस नगर परिषदेच्या सत्ताधाऱ्यांविरोधात जोरदार नारेबाजी करण्यात आली. ४ महिने पूर्ण होऊन सुद्धा एकही विकासकाम न करण्याऱ्या व घुग्घुसच्या शहर वासियांना ‘एप्रिल फुल’ बनवणाऱ्या नगर परिषदेच्या सत्ताधाऱ्यांचा जाहीर निषेध करण्यात आला.
याप्रसंगी भाजपा नगरसेवक विवेक बोढे म्हणाले, घुग्घुस नगर परिषद शहर वासियांना ‘एप्रिल फुल’ बनवत आहे. ६ कोटींचा निधी शासनाला परत गेला, आरो मशीन सुरु नाही, विकासनिधी आणला नाही, नवीन मजुर घेतले नाही, पथदिवे बंद आहे, हातपंप दुरुस्त केले नाही, मासिक सभा महिन्याच्या शेवटी घेण्यात येते, स्वच्छता करण्यात येत नाही अश्या विविध समस्या पूर्ण करण्यासाठी हे आंदोलन करण्यात आले. ‘एप्रिल फुल’ बनाया हे गाणे वाजवून मुख्याधिकाऱ्यांना ‘एप्रिल फुल’ देण्यात आले.
